Poslovne vesti - Makedonija

Потпишан меморандум за соработка со занаетчиската комора Кобленц од Германија

Министерот за економија Фатмир Бесими потпиша Меморандум за разбирање и соработка со занаетчиската комора Кобленц од Германија.

Како што соопштуваат од министерството за економија, со меморандумот се утврдуваат принципите и областите на соработка на македонското министерство со занаетчиската комора на Кобленц.

Целта е да се поддржи процесот на развивање и реализација на проектите за унапредување на занаетчиските дејности.

„Со потпишувањето на овој Меморандум меѓу мнистерството за економија и знаетчиската комора Кобленц,  ние овозможуваме континуитет започнат уште во 2000 година, во остварување на една од целите на министерството за економија - вопоставување на здрава основа за развој и поддршка на занаетчиството, со што ќе овозможиме одржлив раст и развој на занаетчиството како значаен сегмент на  националната економија во целина, и тоа преку реализација на активностите кои произлегуваат од меморандумот за соработка “, изјавил министерот Бесими.

Бесими ги запознал претставниците на занаетчиската комора за активностите  на минситерството во врска со поддршката и развојот на занаетчиството со посебен осврт кон  изработката на стратегијата за развој на занаетчиството во Македонија.

Во рамките на официјалната  посета на Занаетчиската комора - Кобленц министерот Бесими се сретна и со неговиот германски колега, Рајнер Брудерле.

Како што информираат од министерството на средбата со министерот Брудерле, Бесими  ја презентираше макроекономската состојба на Република Македонија за 2010 година и реформските активности превземени од страна на Владата на република Македонија, заложби отсликани преку  индикаторот Doing Business  каде Македонија е рангирана во првите три земји, топ реформатори во светот  проследено со подобрување на индексот во глобалната конкурентност и фридом индексот.